AINARA
LARRONDO URETA

Ainara Larrondo Ureta Unibertsitateko Irakasle Titularra (profil hirueleduna) da Euskal Herriko Unibertsitateko Kazetaritza Sailean. Kazetaritzan Doktorea eta Historia Garaikideko Masterra UPV/EHUn. Doktoretza ondoko ikertzailea izan da Glasgowko Unibertsitatean (Eskozia, 2012) eta irakasle bisitaria (PAP-Erasmus) izan da Milango Sacro Cuoreko Università Cattolica unibertsitatean (Italia, 2018), Udineko Unibertsitatean (Italia, 2018), Groningengo Hanze University of Applied Sciences (Holanda, 2017) eta Beira Interior (Portugal, 2013). Graduan kazetaritzako idazkerari lotutako irakasgaiak (Informazioko generoak, Iritzi-generoak, Erreporterismoa, Web-edukiak idatzi eta sortzea) eta bestelako irakasgaiak eman ditu (Ziberkazetaritzarako sarrera, Deontologia eta kazetaritza-lanbidea, Komunikabide inprimatuen teknologia). Graduondokoan, komunikazio digitalari eta sareko informazioari lotutako gaietan irakasle da. Ikertzaile gisa, lau seiurteko ditu, bat transferentziakoa. Berrehun lan baino gehiago argitaratu ditu kapitulu, liburu, ponentzia eta artikulu moduan kalitatezko aldizkari akademikoetan, hirurogei inpaktu-posizioetan (C1 eta C2) kalitate-indizeetan (JCR-Social Science Citation Index, SJR-Scopus, FECYT zigilua, Dialnet métricas, etab.). Hirurogei hitzaldi, ponentzia edota komunikazio baino gehiago aurkeztu ditu estatuko eta nazioarteko kongresuetan. Argitalpen horiek Europako, Estatuko (Ministerioaren I+G+B Plan Nazionala) eta Autonomia Erkidegoko (Eusko Jaurlaritza, UPV/EHU eta beste) lehia-deialdi publikoetan finantzatutako hogei ikerketa-proiektu baino gehiagotan etengabe parte hartzearen esparruan garatu dira. 2015etik, 'Gureiker' talde kontsolidatuaren ikertzaile nagusia da (A motakoa ikerketa taldea, Unibertsitate Euskal Sistema (IT1112-16; IT1496-22). Hezkuntza Berriztatzeko bost proiektutan parte hartu du, horietako hirutan koordinatzaile gisa, eta gaur egun beste hiru proiektutan parte hartzen du, horietako bat ENLIGHT motakoa, Galwayko Unibertsitatearekin eta Bratislavako Unibertsitatearekin lankidetzan. Hezkuntza berriztatzeko jarduera hori KZBerri Hezkuntza Berrikuntzan Espezializatutako Taldearen jardueren esparruan garatu da, eta UPV/EHUko Hezkuntza Aholkularitzako Zerbitzuak IKD irakaskuntzako aipamena egin dio. Erakunde publikoekin (Euskal Irrati Telebista) ikerketa eta transferentziarako hainbat kontratu garrantzitsu gidatu eta horietan parte hartu du. Bere ibilbidean hainbat doktore-tesi eta Master Amaierako Lan (TFM) zuzendu ditu.