IGNACIA
PERUGORRIA FRATTINI

Ignacia Perugorría Euskal Herriko Unibertsitateko (UPV/EHU) Soziologia eta Gizarte Laneko Saileko irakasle eta ikertzailea da. Nazioarteko doktorea da Gizarte Zientzietan UPV/EHUn, soziologian masterra du Rutgers University-n (AEB) eta soziologian lizentziatua da Buenos Airesko Unibertsitatean (Argentina), eta titulazio horiek unibertsitate horien ohore handienekin eskuratu ditu. Fulbright bekaduna izan da (AEB), Institute of International Education (AEB) eta Espainiako Ekonomia, Industria eta Lehiakortasun Ministerioaren bekaduna ere bai. Era berean, laguntzak jaso ditu International Sociological Association-etik (ISA) eta American Federation of Labor-Congress of Industrial Organizations-tik (AFL-CIO), eta ‘Euskadiko Enbaxadore’ izendatu dio Bizkaiko Foru Aldundiaren Bizkaia Talent Programak. Rutgers-en egon zen bitartean, Graduondoko Ikasleen Elkarteko (GSA) Lehendakariorde eta ondoren Lehendakari hautatua izan zen. Elkarte honek ia 15.000 master eta doktoregoko ikasleren gobernu-organoa da, eta 60tik gora graduondoko ikasleen erakunde akademiko eta kultural baino gehiago hartzen ditu barne. Era berean, "graduondoko langileen" ordezkari izan zen Rutgers-eko American Association of University Professors-American Federation of Teachers-ko (AAUP-AFT) Kontseilu Betearzailean, 1.800 irakasle eta ikertzaile laguntzaile baino gehiago ordezkatuz, 3.000 irakasle baino gehiago biltzen dituen sindikatu batean. Gainera, ordezkari izendatu zuten AFTren Konbentzio Nazionalean. Gradu eta graduondoko ikastaro teoriko eta metodologikoak eman ditu Estatu Batuetan, Latinoamerikan eta Espainian, eta finantzazio argentinarra, estatubatuarra eta europarra duten ikerketa proiektu ugaritan parte hartu du. Gaur egun, Euskal Unibertsitate Sistemako "Gizarte Aldaketa, Gaur Egungo Gizarteetan Sortzen Ari Diren Subjektibitate eta Nortasun Formak" (A Mota; IT-1469-22) Ikerketa Talde Kontsolidatuko kide da, eta "Gizarte Jasangarriak Eraikitzen. Mobilizazioa, Parte-hartzea eta Praktika Sozioekologikoen Kudeaketa" (MINECO, PID2021-126611NB-I00) proiektukoa ere bai. Era berean, New Far Rights Global Research Network sarearen sortzailekide eta koordinatzailekide da, eta hura International Sociological Association (ISA)-ko Gizarte Mugimenduak, Ekintza Kolektiboa eta Gizarte Aldaketa Ikerketa Batzordeari (RC48) atxikita dago. Bere ikerketa-interesak mugimendu sozialen azterketak, kultura-soziologia eta politika-soziologiaren arteko elkargunean kokatzen dira. Bere artikulu garrantzitsuenak honako aldizkarietan aurki daitezke: Politics and Religion, Current Sociology, Revista Española de Sociología (RES), Revista Internacional de Sociología (RIS), Política y Sociedad, eta laster, baita Revista Española de Investigaciones Sociológicas (REIS) eta Ilu Revista de Ciencias de las Religiones aldizkarietan ere. Ignaciak Current Sociology-n monografiko bat eta The Mobilization Series on Social Movements, Protest, and Culture-en beste liburu bat ere koeditatu ditu. Serie hau Routledgek eta Mobilization: An International Quarterly, mugimendu sozialen arloan nagusi den aldizkari zientifikoak elkarrekin argitaratzen dute. Gaur egun, bere eskuz idatzitako "The Politics of Celebration. Festive Culture, Intersectional Activisms, and Ephemeral Urban Commons in Bilbao" lanean ari da, eta "La oposición neoconservadora a las políticas morales en España. Cuatro décadas de movilización antiderechos (1978-2024)" izeneko coeditatutako liburu batean.