Bilboko euskaldun gazteen lexikoaren erabileraz

Resumen

Artikulu honek ekarpen txiki bat egin gura dio Mendebalde Kultura Alkarteak 2017ko abenduaren 15ean antolatutako eztabaidari. Gure helburua hemen bikoitza da. Alde batetik, Bilboko gazte euskaldunen antzeko testu aske baten lexikoaren erabilera aztertuta, informatzaileetan azpi-multzo esanguratsurik egin daitekeen euren ama hizkuntzaren edo generoaren arabera aztertu nahi da. Beste aldetik, hori egiteko metodo kuantitatibo objektiboak ere aurkeztu nahi dira. Gure lantxo honetan datuen azpian egon daitekeen egituraketa soziolinguistikoa azaleratu nahi da metodologia zehatz baten bidez, sistema konplexu dinamiko moldagarrien ildotik. Datuen azterketan eta ondorioetan argi azalduko da informatzaileetan ez dagoena inongo azpi multzo esanguratsurik egiterik, ez ama hizkuntzaren arabera, ez eta generoaren arabera ere, hemen aurkezten diren testuen lexikoaren erabilerari dagokionez, behintzat.