Eskolako Irakurketa Plana eraikitzenesperientzia erreal bat irakasleen prestakuntzan

Resumen

Irakurketa gaitasuna funtsezkoa da bizitzako arlo pertsonal, sozial zein akademikoan. Hortaz, ulermena eta irakurzaletasuna ardatz bilakatzen dira eskola testuinguruan, eta aldi berean, irakasleen ohiko kezka iturri ere izaten dira, ebaluazio probek eta eguneroko lanak halaxe adierazita. Horri erantzuteko bide bat da praktikak eraldatzera bideratutako Eskolako Irakurketa Plan eraginkor eta sendo bat eraikitzea. Erronka horretan, irakasleen etengabeko prestakuntza nahitaezkoa da eta artikulu honek eskola batean martxan jarritako Irakurketa Planaren inguruko prestakuntza baten berri ematea du helburu. Ainguraketa teorikoa eta Gasteizko eskola batean bizitako prozesua azaltzen dira, eta baita horretatik guztitik eratorritako dekalogo bat ere, edozein eskola testuingurutan Irakurketa Plan bat diseinatzeko gako izan daitezkeen zenbait orientabide jasotzen dituena.