Aportación del uso medicinal de los derivados del cannabisuna revisión de su potencial eficacia clínica y riesgos

Resumen

Gaur egun, kalamutik eratorritako produktuen erabilera terapeutikoak eztabaida sutsuak sorrarazten ditu zientzialarien artean eta gizartean oro har. Medikamentuak erregulatzen dituzten agentziek kannabisaren deribatu sintetiko batzuk onartu dituzte indikazio klinikoetarako, besteak beste, goragaleak eta gorakadak ekiditeko paziente onkologikoengan edo minaren tratamenduan. Lan honen helburua, gaur egungo ezaguera zientifikoan oinarrituta, kannabisaren deribatuen eraginkortasun klinikoaren eta segurtasunaren berrikuspena egitea da egoera kliniko ezberdinetan (bereziki erlazionatuak minaren tratamenduarekin, minbiziaren oinarrizko tratamenduarekin edo/eta tratamendu laguntzailearekin, baita gaixotasun neurologiko eta psikiatrikoen tratamenduarekin ere). Gaur egun, aipatutako arlo guztietan, kannabisaren deribatu naturalen edo sintetikoen erabilerari buruzko ikerkuntza klinikoa eskasa da. Beraz, sustatzea gomendatzen da, medikamentuak erregulatzen dituzten agentzien arautegiaren araberako kontrolatutako ikerketa klinikoak eginez.Ikerketa hauek, produktuen segurtasunari eta eraginkortasunari buruzko jakintzan sakontzeaz gain, frogatu beharko lukete zeintzuk diren administrazio- biderik eraginkorrenak produktuak emateko orduan, zeintzuk diren osagai aktiborik egokienak (Delta-9-tetrahidrocannabinola, cannabidiola…), eta zer-nolako ondorio klinikoak izango lirateken beste farmako batzuekin batera hartzean. Laburbilduz, Kannabisaren deribatuen propietate terapeutikoen gaineko jakintza zientifikoa handitzea guztiz ezinbestekoa da produktuok helburu terapeutikoekin legeztatzeko.