Gipuzkoa Aurrera

Resumen

Erakunde publiko eta pribatuen arteko lidergo partekatuan oinarritutako itun estrategikoa da Gipuzkoa Aurrera. Bertan, Gipuzkoako Foru Aldundiak, Kutxak, Adegik, Merkataritza Ganberak eta MCC taldeak parte hartzen dute. Urtebete baino gehiago batera lanean aritu ondoren, Gipuzkoa Aurrerako kideek esparru publiko eta pribatuaren arteko lankidetza horren garrantzia azpimarratzen dute. Lankidetzari esker, lurraldeko proiektuetan inplikazio handiagoa lortzen da, eta lurraldeari buruzko ikuspegi komuna lortzen da. Azken finean, lurralde lehiakorragoa lortzea da helburua, esparru guztietan gainera: bai ekonomian, bai gizartean bai kulturan ere. Gipuzkoa Aurrera sortzeak lanerako alor berri bat ireki du, konpromiso berri baten bitartez, garai berriei aurre egiteko. Interes orokorraren alde lan egiteko, Gipuzkoaren ongizatearen alde lan egiteko tresna eta ate berria da Gipuzkoa Aurrera. Laburbilduz, Gipuzkoa Aurrerako kideek uste osoa dute, Gipuzkoa bezalako lurralde batean, hezkuntza eta trebakuntza sistemak, lan-merkatuak eta garapenak sortzen duen zirkulu konplexuari ongi erantzuteko, esparru publiko eta pribatuaren arteko elkartasuna dela modu bakarra.