Fitorremediazioa lurzoru kutsatuen kudeaketa iraunkorrerako estrategia gisa
- María Teresa Gómez-Sagasti
- Lur Epelde
- Oihana Barrutia
ISSN: 0214-9001
Argitalpen urtea: 2019
Zenbakia: 35
Orrialdeak: 197-212
Mota: Artikulua
Beste argitalpen batzuk: Ekaia: Euskal Herriko Unibertsitateko zientzi eta teknologi aldizkaria
Laburpena
Iraunkorrak eta (eko)toxikoak izan ohi diren konposatu ez-organiko eta organi-koen isurketa masiboek potentzialki kutsatuta egon daitezkeen lurzoruen kopurua izugarri handitu dute. Lurzoruen osasuna (funtzionalitatea) eta kalitatea (emankortasuna) arrisku larrian egoteak eta, ondorioz, giza biziraupena estutasunean jartzeak lurzoru kutsatuen kudeaketa eraginkorra mundu mailako ingurumen-politiken premiazko jomugan paratu du. Gaian sartuta, lan honen hel-buru nagusiak hauek dira: (i)lurzoru kutsatuen kudeaketaren lege eta jarduera markoa aurkeztea; (ii)lurzoru kutsatuen kudeaketa eta arriskuen ebaluazioa aztertzea, eta, azkenik, (iii)ohiko erre-mediazio-teknika suntsitzaileen aitzinean, fitorremediazioaren arloan egiten ari diren esfortzu zientifiko-teknikoak argitara ekartzea. Lurzoru kutsatuen kudeaketan aurrerapenak egiteko landu beharreko hariak ere laburki iruzkintzen dira.