Estudio exploratorio sobre los abusos sexuales en la Iglesia española y otros contextos institucionalesmarco teórico y metodológico de una investigación victimológica abierta

Abstract

Beste herrialdeetan ez bezala, espainiar Eliza katolikoak ez du garatu bere erakundeetan gertatutako sexu-abusuei buruzko ikerketa zientifikorik; ezta haietan parte hartu ere. Biktimei arreta emateko berariazko zerbitzurik ere ez du ezarri orain arte. Artikulu honen bidez, eta Biktimologia kritikoaren, kulturalaren eta positiboaren ikuspegitik, aipatutako fenomenoa azaltzen duten arrazoiak aztertuko ditugu ezkutuko eta metatutako biktimizazioa kontuan hartuta. Berrikuspen bibliografikoaren eta albisteen, jurisprudentziaren eta biktimei eta adituei zuzendutako galdeketaren erantzunen azterketaren ondorioak eskainiko ditugu. Horrela, honako hauek aztertuko ditugu: azkeneko hamarkadetan aipatutako biktimizazio mota erraztu edo galarazi duten mikro, meso eta makro testuinguruei dagozkien zenbait hipotesi eta biktimei behar bezalako erreparazioa emateko eta horiek osatzeko proposamenak. Hein handi batean biktimen beren lekukotasunetan oinarritutako ikerketaren lehen urratsa da. Aniztasun handia egon arren, aipatutako biktimak beste herrialdetako biktimen oso antzekoak dira. Aipatutako lekukotasun horiek ezinbesteko iturriak dira eragindako kaltearen alderdi konplexuak ulertzeko eta giza eskubideetan oinarritutako erantzuna emateko.