Jurisprudencia ambiental del Tribunal Constitucional

Abstract

Kutsadura akustikoa, baso-baliabideak eta, bereziki, ura eta aprobetxamendu hidraulikoen babesari buruzko epaiak aurkitzen ditugu 2011ean Auzitegi Konstituzionalak emandako erabakien artean. Zaratari dagokionez, osotasun fisikoa eta morala edo intimitatea bermatzen dituzten oinarrizko eskubideen urratzea onartzeko, honako bi baldintza hauek eskatzen dira: a) etxebizitzaren egoera akustiko zehatza eta banakakoa frogatzea, Udalak izendatutako gune kutsatu baten barruan kokatzen bada ere, eta b) Udalaren pasibotasuna. Auzitegiak ez du pasibotasuna eman denik onartzen, zaratari buruzko Ordenantzak urratzeagatik, udal zehapenak izapidetu direnean. Basoen babesaren aldetik, sute baten ondoren ezinbesteko zuhaitzen birsorkuntzak duen lehentasuna azpimarratzen da, eta Lege autonomiko batek aurreikusten duen aisi eta eski gune proiektuen burutzearen aurretik jartzen du. Azkenik, uren zaintzaren ikuspuntutik, arro hidrografikoen kudeaketa batua nabarmentzen da eta, era berean, erkidego arteko arro hidrografikoen arauketarako Estatuak duen eskumen esklusiboa ere.