Nola aurre egin itsas garraioak eragindako klima-aldaketari? Estrategia berriak.
- Nestor Goicoechea
- Harkaitz Eguiraun Martinez
- Ibon Galarraga
- Eneko Solaberrieta
- Luis María Abadíe Muñoz
ISSN: 0214-9001
Argitalpen urtea: 2020
Zenbakien izenburua: Itsas Zientziak.
Zenbakia: 1
Orrialdeak: 79-94
Mota: Artikulua
Beste argitalpen batzuk: Ekaia: Euskal Herriko Unibertsitateko zientzi eta teknologi aldizkaria
Laburpena
Gaur egun, itsas garraioak munduko ondasunen % 90 mugitzen du. Ekonomiaren hazkundea eta globalizazioa direla-eta, garraio mota hori goraka doa. Munduko garraioontzi flotaren kopurua haziz doan neurrian, fuel-olioaren kontsumoa ere hazten ari da. Fuel-olioaren kostua garraio-ontzi baten kostu operazionalen % 50 baino gehiago da, eta erregai horren erabilerak eragin nabarmena du ingurumenean (azidifikazioa, kutsadura, berotegi-efektua…); hori kontuan izanik, ECA direlako guneetan (Emission Control Areas) banatu ditu munduko itsasoak IMOk (International Maritime Organization), ingurumen-legedi berezi baten pean. Artikulu honetan, aztergai da zer estrategia jarraitu behar duen armadore batek (itsasontzi baten ustiatzaileak) lege sorta horietara egokitzeko, honako hiru aldagai hauek kontutan izanda: i) eraikita dagoen itsasontzi bat ustiatzen badu, sufre gutxiagoko fuelak erabiltzea edo itsasontziaren motorra egokitzea; ii) itsasontzi berri bat eraikitzera badoa, motor duala edo diesel-motorra jartzea; eta iii) zer aukera dagoen IMOk ECA gune berriak sortzeko.