Fobia sozial orokorraren tratamendu psikologikoa esposizioaren bidezkasu klinikoa

Résumé

Fobia sozialeko kasu baten aurrean esposizioaren bidez burututako tratamenduaren deskribapena agertzen da artikulu honetan. Pazientea, 22 urteko neska da, eta betidanik herstura sozial handia sentitu du. Tratamenduak 8 saio iraun zituen, talde-formatoan eta bi hilabetez. Saio terapeutikoen barruan, egoera arazotsuenganako esposizioak eta pazienteak saio batetik bestera etxean egin behar zituen lanak izan ziren tratamenduaren muina. Halaber, trebetasun sozialen eta asertibitatearen estrategiak eskaini zitzaizkion pazienteari. Urtebeteko jarraipena egin ondoren, pazienteak hobekuntza nabaria agertzen du, hersturaren eta ekidinaren beherakada behatzen delarik. Bestalde, hobekuntza nabaria da baita ere helburu bezala finkatutako jokabideetan, asertibitatean eta adaptazioan. Kasu honek klinikarako dituen inplikazioak komentatzen dira.