Denbora kategoria al da? bere azterketa logikoa

Abstract

Aristotelek planteatu zuen denboraz hitz egiteko bideen anizkoitasuna. Denboraz hitz egin dezakegu ikuspuntu desberdinetatik abiatuz: �noiz� kategoriaren barruan, �fisikaren� barruan, eta matematikaren barruan, denbora kantitate jarraia den heinean. Kantengan ere matematika da denbora/espazioa-z arduratzen dena, baina besteak beste jarraitasuna ez da agertzen funtsezko ezaugarri bezala. Gainera bere sisteman denbora ez da kategoria bat. Aipatuko dugu ere Fregek ez duela bat egiten Kantekin aritmetikari dagokionez eta logikariaren ustez ez dago inolako erlaziorik aritmetika eta denboraren artean. Bukatzeko azalduko dugu, van Benthem-en lanari jarraituz, nola azter daiteken denbora logikaren ikuspegitik, aldiberean Aristotelen denbora jarraiari buruzko ideiek plantea litzaketen arazoak aztertuz.