Aldaera linguistikoen normalizazioa inferentzia fonologikoa eta morfologikoa erabiliz
- Montse Maritxalar Anglada Director/a
- Iñaki Alegría Loinaz Director/a
Universidad de defensa: Universidad del País Vasco - Euskal Herriko Unibertsitatea
Fecha de defensa: 11 de julio de 2016
- Arantza Díaz de Ilarraza Sánchez Presidente/a
- Antonio Gurruchaga Hernaiz Secretario/a
- Jordi Porta Zamorano Vocal
Tipo: Tesis
Resumen
Tesi-lan hau hizkuntzaren azterketa eta prozesamenduaren arlokoa da eta testu ez-estandarren ikertze-lerroan garatu da, euskarazko testu ez-estandarren normalizazioa izanik lanaren gai nagusiTestu estandarrekin alderatuta, testu ez-estandarrek ezaugarri bereziak dituzte maila lexikoan, morfologikoan edota fonologikoan, eta haien prozesaketa erronka berri bat da. Testu horiek, oro har, ezin dira ohiko moduan prozesatu hizkuntza prozesatzeko tresna gehienak (NLP, Natural Language Processing tresnak) hizkuntza estandarretan idatzitako testuak prozesatzeko garatu direlako, eta testu ez-estandarrekin erabiltzen direnean asko jaisten da haien errendimendua. Halako testuak prozesatzeko interesa, ordea, asko zabaldu da azken urteetan: liburutegi digitalak, humanitate digitalak, soziolinguistika konputazionala, iritzien analisia eta abar. Testu ez-estandarrak normalizatuz gero, aukera dago NLP tresnak aplikatzeko testu horietan eta horretarako funtsezkoa da prozesu hori ahalik eta modurik eraginkorrenean betetzea. Tesi-lan honetan ikasketa automatikoan oinarritzen diren metodoak proposatzen dira euskarazko testu ez-estandarretan normalizazioaren ataza ebazteko. Horrekin batera, metodoek lortzen dituzten emaitzak konparatzen dira beste ikerketa batzuek lortzen dituztenekin, horrela metodoen egokitasuna aztertzeko. Konparazio hori egiteko gaztelaniazko zein eslovenierazko corpusak erabili dira, beste zenbait ikerlariren lankidetza baliatuz.