Haur literaturaMatematika lantzeko baliabidea haur hezkuntzan

Résumé

Ikerketa lan hau eduki matematikoak literaturaren bidez lantzeko ekimenetik sortu da. Haur Hezkuntzan ezinbestekoa da matematika lantzea, baina, aldi berean, adin horretan irudimena, sormena, fantasia eta sentsibilitatea garatzen ari diren etapan daude, eta album eta ipuin ilustratuek alderdi horiek guztiak garatzeko baliabide ezin hobea dira. Gainera, literaturak euskara bultzatu eta matematikako edukiak lantzeko ere aukera ematen dute diziplinartekotasuna indartuz. Hori da azterketa honen iturburua. Horretarako, ikerketa teoriko bat egingo da, liburu eta albumen erabileraren garrantzia goraipatzeko, bai hizkuntza aldetik, baita hezkuntza baliabide bezala ere. Ondoren, matematikako bost arlo nagusietan (logika, aritmetika, geometria, neurria eta datuen analisia eta probabilitatea) antolatuta euskarazko hiruna liburu proposatu dira. Liburu bakoitzaren inguruko azterketa bat egin da: alde batetik, istorioaren laburpena, eta bestetik aplikagarritasun matematikoa. Gainera, arlo bakoitzeko liburu batean, Haur Hezkuntzako ikasgela batean lantzeko jarduera proposamena egingo da. Horrela, Haur Hezkuntzako ikasgelan matematika lantzeko euskarazko liburuen bilduma bat sortu da.