Ciudades simbióticas como hábitat de una sociedad plural y comprometida

Zusammenfassung

Hiria munduko biztanleriaren erdia baino gehiagoren bizi-egitura sustengagarria da eta, ondorioz, eremu erabakigarria izango da planetaren jasangarritasuna lortzeko beharrezkoa den erroko aldaketa emateko. “Elkarbanatutako pobretzea” lortzeko aldaketa garapen kultural endogenoan oinarritua egongo da, aniztasuna gizakiaren sozio-ekosistemaren balore positibotzat onartuko da eta biztanleriaren bizi kalitatea lortuko da berdintasunezko planeta batean. Hiriaren eraldaketa paraleloki emango da eta berezko ezaugarria izango du lurraldearekiko arreman parasitario batetatik sinbiotiko batetara pasatzea. Barnerantz hazten den hiriaren garapena irudikatzen da, dentsitatea, konplexutasuna, aniztasuna eta kalitatea handituz; baliabide ez arruntak balioetsiko ditu, horiek ugariak diren eremu baztertuak potentzialtasun eremutzat hartuz. Garapen-aldagai sistemari buruzko ikerketak gizakiaren beharretan eta faktore asegarrietan oinarritua egon beharko luke; eta adierazleak biztanleriaren bizi kalitatea neurtzeko tresna izan. Horrek hiriaren egoerari buruzko informazioa lortzea eta hiri sinbiotikoak lortzeko estrategiak definitzea ahalbidetuko luke.