Complementariedades entre economía social y solidaria y economía circularEstudios de caso en el País Vasco y Suiza Occidental

Résumé

Jatorri eta hasierako kezka desberdinak izan arren, Ekonomia Soziala eta Solidarioa (ESS) eta Ekonomia Zirkularra (EZ) elkarren osagarri izan daitezke egungo garapen-eredua eraldatzeko. EZ-k iraunkortasun ekologikoaren eta materialen zikloak murriztu eta ixtearen helburu biofisikoak aurreikusten lagunduko luke; ESS-k pertsonen beharrizanak eta ekitate soziala lehenetsiko lituzke. Hala ere, kontutan hartu behar dugu ESS-k bere esperientzia praktikoetan iraunkortasun ekologikoaz kezkatzeko joera izan duen bitartean, EZ-k ez du gauza bera egin birbanaketa-gaiez edo ekitate sozialaz. Azken hamarkadan, EZ gero eta arreta handiagoa jasotzen ari da, eta azkar zabaltzen ari da garapen iraunkorrerako ustezko irtenbide gisa. Hala ere, bere egungo praktika nagusiek ez dute ikuspegi integral eta eraldatzailerik, eta eraginkortasun teknologikoan eta lehiakortasunean zentratzen dira, eta ez diete merezi duten garrantzia ematen nahikotasun eta lankidetza kontuei. Horregatik, testu honetan aztertu nahi dugu nola aberastu beharko litzatekeen EZ-a ESS-ren postulatuetatik, baldin eta trantsizio ekitatiboa eta iraunkorra nahi badugu. Horretarako REAS-Euskadiren kasua aztertu dugu Euskal Herrian, eta ESS APRES-GE eta APRES-VD ganberak Mendebaldeko Suitzan, besteak beste, gai hauetan: 9R-en ikuspegia modu zabalduan ulertzea; negozio-eredu zirkular berrien ezaugarriak; ESS-ren printzipioak, lankidetza eta irabazi-asmorik eza, besteak beste.